कतारमा थप ६ सय जनामा संक्रमण, मृतक संख्या ५ सय नजिक

कतारमा थप ६ सय जनामा संक्रमण, मृतक संख्या ५ सय नजिक

दोहा- रोजगारीको लागि नेपाली श्रमिकहरुको प्रमुख गन्तब्य रहेको कतारमा पछिल्लो २४ घण्टामा थप ६०० जना नयाँ संक्रमित थपिएका छन् ।

योसंगै कतारमा कोरोना सङ्क्रमितको सङ्ख्या २ लाख १० हजार ७० पुगेको छ ।

पछिल्लो २४ घण्टामा कोरोना संक्रमणबाट थप २७,६९ र ७३ बर्षीय नागरिको मृत्यु भएको छ । योसंगै मृतकको सङ्ख्या ४९६ पुगेको

कतारको स्वास्थ्य मन्त्रालयले जनाएको छ । अहिलेसम्म कोरोनाबाट कतारमा २१ नेपाली श्रमिकले ज्यान गुमाइ सकेका छन् ।

मन्त्रालयका अनुसार पछिल्लो २४ घण्टामा १२१७ कोरोनालाई जितेर घर फर्किएका छन् । योसंगै कतारमा कोरोनाबाट निको हुनेको संख्या १ लाख ९९ हजार ४४४ पुगेको छ ।

अहिले कतारमा १० हजार १३० वटा ‘एक्टिभ’ केस रहेका छन् भने ५५१ जना यहाँको विभिन्न अस्पतालहरुमा उपचार गराईरहेका छन् । तीमध्ये २७४ जनाको आईसीयूमा उपचार भैरहेको छ । कतारले सुरुवाती दिनदेखि नै संक्रमितको राष्ट्रियतबारे खुलाएको छैन् ।

यो समाचार तयार पार्दासम्म १७ लाख ६२ हजार ५४५ जनाले कोरोना बिरुद्धको खोप लगाईसकेको मन्त्रालयले जनाएको छ । कतारी नागरिक सहित आप्रवासी श्रमिकहरुलाई पनि निःशुल्क रुपमा खोप दिइरहेको छ ।

थप ३५७ जनालाई कारबाही

कोभिड–१९ सम्बन्धि सरकारले जारी गरेको सावधानीका उपायहरू उल्लंघन गर्ने ३५७ जनालाई कारबाही गरिएको जनाएको छ ।

कतारको आन्तरिक मन्त्रालयका अनुसार ३२६ जनालाई सार्वजनिक रूपमा मास्क नलगाएकोमा, ५ जनालाई मोबाइलमा एहतेराज एप्स प्रयोग नगरेकोमा, २३ जनालाई सामाजिक दूरी कायम नगरेकोमा तथा बाँकी ३ जनालाई क्वारेनटाइन पूरा नगरी हिँडेकोमा कारबाही गरिएको जनाएको छ ।

भाइरस संक्रमणको नयाँ लहर सुरु भएसंगै कतार सरकारले थप प्रतिबन्ध लगाउदै भाइरसबाट बच्न अपनाउनुपर्ने स्वास्थ्य सतर्कताका नयाँ मापदण्ड जारी गरि थप कडाई गरिरहेको छ ।

अहिलेसम्म सावधानीका उपायहरू उलङ्घन गर्ने हजारौं व्यक्तिलाई कारबाही गरिसकिएको मन्त्रालयले जनाएको छ । नियम उल्लंघन गरेको पाइएमा दुई लाख कतारी रियाल जरिवाना र तीन वर्षसम्म कैद सजाय तोकिएको छ ।

Nagarikkhoj.com मा प्रकाशित भएको समाचारमा कुनै सल्लाह वा सुझाव दिनुपरेमा अथवा कुनै समाचारमा चित्त नबुझेर गुनासो पोख्नु परेमा वा विज्ञापन प्रकाशित गर्नु परेमा हामीलाई nagarikkhoj@gmail.com मा इमेल पठाउन सक्नुहुन्छ । निरन्तर समाचारको लागी हामीसँग फेसबुक तथा ट्वीटरमा जोडिन सक्नुहुनेछ ।

Leave a Reply

Your email address will not be published. Required fields are marked *